Los balètis salvatges dau Clapas

Avètz ja vists al solelh colc a las teuladas de Montpelhièr, ambé lo Pic Sant Lop en asuèlh ??? Òc ? Sètz un estèta... E l'avètz viscut ambé en fons sonòr una melopèa a l'acordeon, o al violon ???? Òc, encara ? Alavètz aquí sètz bravament benastrucs ! Èra un dijòus ? En mai, en junh, en setembre benlèu ? E sus aquesta melopèa, puslèu trad, i aviá de monde que bolegavan, que dançavan ensèm ? Òc, òc,òc ? E vos cridèron : " Manca un òme !!!" Alavètz aquí, foguèretz simplament e bonament integrats a una mena de ronda e... Òc-be, avètz fach partida dels elegits montpelhierencs que cada dijòus envasisson l'esplanada del naut del Pèiron per qualques oras de Balèti salvatge. L'idèa foguèt lançada a la fin de mai, lo boca a aurelha faguèt son offici e lèu los dançaires afluiguèron per se trapar dins aqueste luòc magic... Una pausa pendent l'estiu e aquò tornèt tant e mai a la dintrada per s'acabaral fin de setembre. èra en 2009... Dempuèi l'annada passada devon nos contentar de l'Esplanada, lo Peiron es barrat al vespre... Bon.... E coma, ara, los estudiants de la fac Paul Va son plan actius, los balètis salvatges se fan amb eles.  Lo primièr serà en mai Al mes que ben !!!!.....

L'Estanquet

« L’estanquet » per La Rampe, lo Teatre Interegional Occitan : TIO

Lo solelh mancava dins lo cèl montpelhierenc aqueste dijòus 10 de febrièr ; es al teatre de la Vista qu’una esclarida se tenguèt dins aquesta jornada malgraciosa…

Lo teatre de la Rampe nos a regalat amb sa darrièra creacion “L’Estanquet”, una performança joiosa e generosa al son de la lenga d’òc per ensolelhar l’ensem.

Una mesa en scèna viva de Claudi Alranq, òme de teatre qu’a consacrat tota sa vida a aquel art e que simboliza tanben lo teatre occitan.

Una performança plan capitada dels comedians quora actors, quora cantaires,  clown…. Isabelle François, Véronique Valéry, Jean-Louis Blénet, Bruno Cécillon, René Fernandez. Un òsca particular al tecnician Sergio Perera qu’a jogat dins la darrièra peçòta per remplaçar una 
comediana e….

Cinq peçòtas granadas per rire e sorire : un fablèl del segle XIV, un vaudevila, una palhassada, una comèdia de mors.

Un luòc común, l’estanquet qu’es un luòc de rescontre e de partatge. Una entremescla de racontes de vida amb coma fil conductor la vida de parelh e totas sas escasenças : amor, gelosiá, engana…. Tot sus un ton leugièr e mai comic que lo vam dels cinc comedians e lor bonur de jogar encantèt l’auditòri.

Un espectacle per totes, de conselhar, e mai se òm compren pas l’occitan, los sustitols son plan faches e de bon seguir.    

Per veire des imatges : google/ imatges, picar : L'estanquet/ la Rampe

Los siròps

Aprèp los òlis essancials, vaqui los siròps naturals qu'es plan aisit de far.

Se pòt beure siá freg per l'estiu quand las èrbas son cramadas dins la garriga, dins laiga e mai dins lo vin, siá dins l'aiga cauda per se sonhar l'ivern quand te rebal un raumas e que  pòts pas anar culhir la farigola.

Personalament, fai de siròp de romanin, de farigola, de melissa, de sambuc, de menta e tanbe de roséla.

La farigola es bon l'ivern dins l'aiga cauda mas tanbe refrescant l'estiu coma totes los autres siròps. Aimi plan lo sambuc dins lo vin roge e lo romanin dins lo vin blanc.

Una causa plan aisit de far per un aperitiu es de daissar una branca de romani en flor dins una botelha de vin blanc.

Adonc, vaqui la recepta del siròp :

Per un litre

Cal un bòl de plantas (las flors es melhor) dins 1.5 l d'aiga fresca.

Faire bolhir una dezena de minutas

Filtrar

Tornar mettre sul fuòc amb 500 gr. de sucre

Continuar la coseson fins al siròp.

Es pas necessari de sterilisar mas se pòt...

Se vòles podon far un talher, los romanins son florits

utilisar los òlis essencials

Per far plaser a la Melania, me'n vau vos parlar del biais de se sonhar sens antibiotics...

 Soi pas mètge, soi simpletament una maire atentiva a la santat de sos enfants dempuèi 18 ans....

Soi una filha de la garriga e dempuèi totjorn quand l'ivèrn arriba fau una cura de rasims, de farigola e quand lo raumàs me reganta preni de l'aiga bolhida. Lo principi es clar : cal pas donar a manjar al virus, cal pas pus lo tuar radicalament si que non lo cors lo reconneis pas pus cada còp... Aquò vòl dire que  se cal contituar sa pròpria immunitat.

... de seguir...

Existisson d’antibiotics naturals que son la farigola e los granas de pompelmós. Se pòt far de tisana o decoccion de farigola mai facilament.

Si que non, se pòt recorrer als olis essencials, lo principi es de prendre d’unas gotas dins un pauc d’aïga, mas cal far atencion, se cal pas trompar sia ne prendre tròp, los òlis son plan eficaces.

Per lo raumàs : ravint sara

Per lo gobi : citrus

Per lo mal de cap : menta pebrada (usatge extèrn)

Per la digestion : romanin

Existisson d’unes libres  sus la question e los òlis essencials son nombroses.

www.aroma-zone.com/  un siti plan complet sus la question.

Se pòt trobar dins las botigas “bio” o al mercat dels arcèus tanben lo dissabte.

Vaqui

Soi tornada !!!

E la primièra dimenjada al país,  a un festenal de danças e musica trad
"de fada !".... Son las "Trad'hivernales" e se passa a Sommières dins Gard.
I a un molon de talhièrs, concèrts e.... balètsi ! de segur !!!
Vos mandi lo ligam :   

http://wp.coriandre.info/wp-content/uploads/2010/09/TRADHIVERNALES-2011.pdf

Se vòles passar una bona serada, escotar de bonas musicas, beire un cop amb ieu o dançar.....

Lo balèti

Me'n vau vos parlar d'une forma de fèsta : lo balèti.

Balèti qu'es aquo ?

A la debuta, dins lo campèstre, lo mond dançavan per las fèstas tradicionnalas coma los maridatges, los baptismes, las fèstas de las vendémias...

Cala vilatge avia de cantaires e de musicaires. Los villageses dançavan ensems.

Uèi, lo mond fan la fèsta san rason particular. Despuèi un vintenat d'annadas, d'unas personas qu'aiman dançar pòdon anar al balèti qu'ès un luòc de convivialitat e de rescontre.

Los musicaires son pas pus los vièlhs del vilatge mas de joves qu'aprenon los vièlhs aires e tanben composan nòvas melodias per las danças.

Dins la region i a un molon (fum) de balètis. Se podon dançar a Montpelhièr, a la feria de Nîmes, de Besièrs, a total festum e tambe manca pas de talhièrs per aprene las danças tradicionnalas.

Se pòdon se connectar sul sit : 

http://agenda.trad.org/2010/11/12/4semaines?region=6
 http.//www.levetoietdanse.net

o lo forum

http://www.tradzone.net/forum/

Aicí, I a mai d'un grop de musica mas o mens "Occitan":

Coriandre,Castanha e Vinovel, Tafanari, Biscam Pas, Tralala, Spi et la Gaudriole, Le Bal en Chantier, Bal ô Gadjo, Accords Curry (qu'es lo grop dels joves de la facultat).

 

Tot aquò per dire que se pò dançar a la facultat paul Valéry cada dijous dins la sala del departament occitan.

Cantar l'occitan...

Parli pas... alara per viure la lenga mieuna sia coma sia, canti...

Canti de cants, cançons tradicionalas del sud . Vòl dire que canti en occitan (lengadocian, gascon, provençau...), mas tanben en italian, catalan, basc.

totes aqueles cants an una particularitat : son de cants per dançar...

A la debuta, sens instruments las danças se cantan e la primièra dança coneguda es "la carole" (ò !)...  Cada region a danças que se cantan : bourréias en Auvernha, rondèus en Gasconha, rondas e farandolas en Provença....

Amb los instruments, cants an desaparegut del balèti, mas i aguèt la guèrra e los òmes quiteron los vilatges. Las femnas volian continuar de dançar, dançavan amb las voses que se dison : dançar "al tralala"...

Vaqui perque mon group s'apèla "Tralala".

Si voletz escotar un pichot extract :  

http://www.musictrad.orggroupesindex.php?FRDEV=4e49afc16eba774a6ba9d6f90fe5bf12

 Lo darrièr concèrt/balèti de Tralala, Sommeires 2009.